Алматыда алдағы демалыс күндері ауа райы қандай болады?

Синоптиктер алдағы аптада Алматыда тұман түсіп, көктайғақ болады дейді. Ал осы демалысқа болжам қандай? Бұл сұрақтың жауабын «Қазгидромет» РМК Алматы қаласы бойынша филиалының инженер-синоптигі Дәулет КИСЕБАЕВ айтып бермекші.

– Дәулет мырза, алдағы демалыста алматылықтарды қандай ауа температурасы күтіп тұр? Және таулы аймақтарда күн суыта ма?

– Алдағы демалыс күндері Алматы қаласында кеш уақытта қар жауады, тұман, көктайғақ болады. Ауа температурасы түнде – 3, – 8 градус аяз, күндіз 0 градус шамасында болады. Таулы аймақтарда да дәл солай. Қар жауады, тұман түседі, көктайғақ болады. Ауа температурасы қалаға қарағанда 5-10 градусқа төмен болады. Бірақ жексенбі күні тауға шығуға болады.

– Ал алдағы аптада алматылықтарды қандай күн райы күтіп тұр? 7 қаңтар – Рождество мерекесінде ауа райы қандай болмақ?

– Келесі апта Алматы қаласында ауа райы ашық болады, жауын-шашынсыз. Бірақ, 9 қаңтар күні қар жауып, тұман, көктайғақ болуы мүмкін. Ауа температурасы апта бойы түнде – 3, – 8 градус аяз, күндіз 0 градус шамасында болады. Дүйсенбі күні Рождество мерекесінде ауа райы ашық болады. Ауа температурасы түнде – 2, –7 градус аяз, күндіз 0 градус шамасында болады. Күн ашық болады.

– Дәулет мырза, ақпаратыңыз үшін рахмет!