Алматыда бизнесменнің кішкентай қызын ұрлап кеткендер ұсталды

Алматыда бизнесменнің кәмелеттік жасқа толмаған қызын ұрлап кеткен төрт адам ұсталды. Ішкі істер министрлігінің мәлімдеуінше, адам ұрлау оқиғасы 14 қараша күні тапа-тал түсте болған.

Қарақшылар жүргізушіні электрошокпен қорқытып, байлап, көлік салонынан кішкентай қызды ұрлап кеткен. Адам бопсалаумен ақша таппақшы болған арампиғылдылар артынша қызды босату үшін жарты миллион доллар талап еткен.

Криминалды полицияның жедел әрекетінің барысында күдіктілер ұсталды. Ал кішкентай қыз аман есен үйіне оралған.