Меншікті өндіріс
Біз әлеуметтік желілердеміз
Ақтауда КВН ойыншысын өлтірді деген күдікпен 3 адам ұсталды
23.07.2018 16:26
Маңғыстау облысының полицейлері Ақтөбенің КВН командасының бұрынғы ойыншысы Данияр Әлімбаевты өлтірді деген күдікпен үш адамды ұстады, деп хабарлайды sputniknews.kz.
«Лада» өңірлік порталының хабарлауынша, «Адам өлтіру» бабы бойынша сотқа дейінгі тергеу жүріп жатыр. Сот-медициналық сараптама тағайындалды. Үш күдікті ұсталды, үшеуі де Ақтау тұрғындары.
Бұған дейін белгілі болғандай, Ақтауда 21 шілдеге қараған түні 32 жастағы Әлімбаевты аяғынан пышақтап, күретамырын кесіп жіберген. Ол аса ауыр халде ауруханаға жеткізілгенімен, дәрігерлер оның өмірін аман алып қала алмады.
Данияр Әлімбаев Ақтөбенің КВН командасының құрамында ойнаған. Әлімбаевтың артында әйелі мен төрт баласы қалды.