Алматы облысында балалардың зорлану дерегі бойынша 3 іс тергеліп жатыр

Ішкі істер министрлігінің өкілдері Алматы облысында кәмелетке толмаған балалардың зорлануына қатысты істің мән-жайын айтып берді, деп хабарлайды Tengrinews.kz ҚР ІІМ ресми өкілі Алмас Сәдубаевқа сілтеме жасап.

Биыл тамыз айында Қарасай аудандық ІІБ-не кәмелетке толмаған балаларға зорлық әрекеттері қолданылғаны жайлы үш арыз түскен. Олар сотқа дейінгі тергеу реестріне тіркелген.

«Барлық оқиғаның мән-жайын анықтау мақсатында қажетті тергеу шаралары жүргізіліп жатыр. Барлық күдікті анықталды, олардың барлығы кәмелетке толмағандар. Осы жағдайды ескере отырып, ІІМ өкілдері қазіргі заңнамаға сәйкес, кәмелетке толмағандарға қатысты мәліметті құпия сақтайтынын ескертеді», – деді Алмас Сәдубаев.

Сурет / © lentaregion.ru