Алматыдағы "Үш-қоңыр" базарынан өрт шығып, құтқарушылар келгенше 150 шаршы метр аумақты жалмап үлгерді. Қызыл жалын сағат 11-лер шамасында базар аумағындағы көлік жөндеу орталығынан шыққан. Артынша, жапсарлас тұрған 1 контейнер мен 2 сауда нүктесіне тиген. Тілсіз жау тұтанғанда көлік жөндеу орталығында бірнеше темір тұлпар тұрыпты. Қайта иелері маңайда болып, автокөліктерін дер кезінде шығарып үлгерген. Ал, "Toyota Windom" маркалі автокөлік түгі қалмай жанып кеткен. Қызыл жалынды ауыздықтауға 39 өрт сөндіруші мен 7 арнайы өрт техникасы жұмылдырылды. Зардап шеккендер жоқ.
Біздің Telegram каналына жазылып,
соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
