"Әйелдер денсаулығы күні" деген атпен Алматы қаласы адам ұрпағын өрбіту орталығында ашық есік күні өтті. Шараға жарымжандар қатысып, медициналық мекеменің қызмет көрсету сапасын бағалап қайтты. Шара ұйымдастырушылары - Алматы қаласы денсаулық сақтау басқармасы мен «Үздік дәрігер» қауымдастығы. Аталмыш акция биылдыққа екінші мәрте ұйымдастырылып отыр. Маусым айында өткен бірінші шараға 10 жарымжан қыз-келіншектер қатысқан. Ашық есік акциясы аясында дәрігер генетик, акушер-гинеколог, ультра дыбыстық зерттеу дәрігерлері қабылдап, кеңес берді. Екінші рет өтіп отырған шараға репродуктивті жастағы жеті қыз-келіншек қатысып, «Үздік дәрігер» ұйымынан сыйлықтар алды
«Біз жарымжандарға арналған ашық есік күнін әр 6 ай сайын өткізіп тұруды жоспарлап отырмыз. Өйткені, репродуктивті жастағы кез-келген қыз-келіншек алдын-ала гинеколог тексеруінен өтіп тұруы керек. Әрбір әйел контрацепция, отбасын жоспарлау туралы сұрақтары бар. Осы шараға қатысып, барлық толғандырып жүрген сұрақтарына жауап ала алады»,- деді Динара МЫРЗАХМЕТОВА.