Астанада және Қазақстанның алты облысында үсік жүреді

Астана қаласында және еліміздің алты облысында ауа райының құбылуына байланысты ескерту жарияланды, деп хабарлайды ҚазАқпарат «Қазгидромет» РМК-ге сілтеме жасап.

«3-5 қыркүйек күндері Ақмола, Қостанай, Солтүстік Қазақстан, Павлодар облыстарында, 4-5 қыркүйек күні Қарағанды облысында, 5 қыркүйекте Шығыс Қазақстан облысының кей жерлерінде 1-3°С шамасында үсік жүреді. Астана қаласында 3-5 қыркүйек күндері топырақ бетінде 1°С суық жүреді. Ескертудің дөп келу ықтималдығы 90-95%», – делінген хабарламада.