Атыраудағы жатақханада орын алған өрттен 6 адам көз жұмды

Атырау маңында алапат өрт болды. Қарабатан құрылыс аумағында орналасқан жатақхананың бірі қызыл жалынға оранып, 6 адам қаза тапты. Тағы 4 жұмысшыны күйік шалған. Олар жақын маңдағы ауруханаға жеткізілді. Құрылыс компаниясының басшылығы өрттен өлім құшқандардың отбасына материалдық көмек көрсетіледі, деді. Сондай-ақ жарақат алғандардың да емі төленетін болады. Алдын ала болжам бойынша, контейнерлерден тұрғызылған жатақхананың өртенуіне тоқтың тұйықталуы себеп болған.