Бағдат Мусин жол жүру ережесін жиі бұзатындарды ерекше жазалау жолын ұсынды

Бағдат Мусин жол жүру ережесін өрескел әрі жиі бұзатындарды ерекше түрмен жазалауды ұсынды. Бас прокуратураның Құқықтық статистика комитеті төрағасы түрлі заң мен жолдағы белгілерді қаперге алмайтындардың көлік нөмірін, аты-жөнін әлеуметтік желілерде жариялау керек, дейді. Ол бұл ұсыныс темір тұлпар тізгіндеушілердің ереже сақтауына септігін тигізеді деген пікірде. Сонымен қатар, төраға «Сергек» камера жүйесінің жұмысына тоқталды. Жүйе орнатылғаннан бері түрлі көлік иелерінің заң бұзушылықтары тіркеліпті. Олардың арасында қала ішінде жылдамдықты 120 шақырымнан түсірмейтіндер де бар. Тіпті, бір күнде ол бейнебақылау камерасына 10 рет түскен.