Меншікті өндіріс
Біз әлеуметтік желілердеміз
Бағлан Майлыбаев пен Николай Галихиннің қамау мерзімі ұзартылды
Бағлан Майлыбаев пен Николай Галихиннің қамау мерзімі ұзартылды. Бұл туралы Астана қаласының Есіл аудандық соты мәлімдеді. Хабарламада "7 наурызда Астананың № 2 Есіл аудандық соты Президент Әкімшілігі Басшысының бұрынғы орынбасары Бағлан Майлыбаев пен Президент Әкімшілігіндегі ішкі саясат бөлімі меңгерушісінің орынбасары Николай Галихиннің қамау мерзімін 12-ші мамырға дейін ұзартты" делінген. Еске сала кетейік, Бағлан Майлыбаевты 16 қаңтарда Еліміздің Ұлттық қауіпсіздік комитеті Қазақстан Республикасы Қылмыстық кодексінің 185-бабы 1, 3-бөлігінде көзделген яғни, "Мемлекеттiк құпияларды заңсыз жинау, тарату, жария ету" сияқты қылмыстарды жасады деген күдікпен ұстаған болатын. Сондай-ақ, мемлекеттік құпияны жариялады деген күдікпен Президент Әкімшілігінің қызметкері Николай Галихин ұсталған еді.