Балаларын шақырмақ болған астаналық келіншек 12-қабаттан құлап кетті

Қошқарбаев көшесіндегі «Сенатор» тұрғын үй кешенінің ауласынан жас келіншектің мәйіті табылды. Куәгерлер ол балконнан құлап кеткен болуы мүмкін деп болжап отыр, деп хабарлайды Sputnik.kz.

«Сенатор» тұрғын үй кешенінің тұрғындары хабарлағандай, жиырма алты жастағы Астана тұрғыны балаларын айғайлап шақырмақ болғанда 12-қабаттағы балконнан құлап кеткен.

«Асфальтта жатқан мәйітке мас әйел екен деп ұзақ уақыт ешкім жақындамаған», – деді Sputnik-ке сұхбат беруші.

Көршілері марқұм сол жерде жан тапсырғанын, артында үш баласы қалғанын хабарлады.  

Астана Ішкі істер департаментінің қызметкерлері аталған оқиға бойынша полицейлер жұмыс істеп жатқанын жеткізді. Қазіргі таңда қайғылы оқиғаның жай-жапсары анықталып жатыр.