Бауыржан Мусин жемқорлық жасады деп айыпталды

Дін істері және азаматтық қоғам министрлігіне қарасты комитет басшысының орынбасары ұсталды. Бұл туралы сыбайлас ждемқорлыққа қарсы Ұлттық бюро қызметкерлері мәлімдеді. Бауыржан Мусин қоғам жөніндегі комитет төрағасының орынбасары. Оған мемлекеттік сатып алуға қатысушылардың мүддесін лоббилегені үшін жүйелі негізде пара алып отырған деген айып тағылып отыр.  Баспасөз қызметі өкілдерінің ақпарынша Мусин кәсіпкерден 400 мың теңге алып жатқан жерінен ұсталған. Қазір, күдіктіге қатысты тергеу жүріп жатыр, ол Астана қалалық Ішкі істер департаментінде уақытша ұстау изоляторында. Параның жалпы сомасы - 1 жарым млн теңгеге жуықтайды.