Елбасы МАГАТЭ-нің бас директоры Юкия Аманомен кездесті

Нұрсұлтан Назарбаев атом энергиясы жөніндегі халықаралық агенттіктің Юкия Аманобас директорымен кездесті. Мемлекет басшысы Қазақстан жаһандық ядролық қаруға қарсы күрес қозғалысының көшбасшысы саналатынын атап өтті. «Біз құрамында ураны мол шикізатқа ие мемлекет ретінде атом энергиясын бейбіт мақсатта пайдалануға ықпал ететін боламыз»,- деді президент.  

Ал МАГАТЭ-нің бас директоры өз кезегінде делегацияға көрсетілген қонақжайлылық үшін Нұрсұлтан Назарбаевқа алғыс білдірді. Сонымен бірге, төмен байытылған уранды сақтайтын ғимарат ашумен қатар, бұл шикізатты сатып алу және оны тасымалдау мәселелері де маңызды екенін айтты.