Елімізде баспана бағасы көтерілді

12.03.2018 15:23

Жаңа тұрғын үйлердің бағасы 2018 жылдың ақпанында өткен аймен салыстырғанда 0,2 пайызға көтерілді. Ал, абаттандырылған және абаттандырылмаған тұрғын үйлерді алып сату өзгеріссіз қалды, - деп хабарлайды Аlmaty.tv тілшісі ҚР Ұлттық экономика министрлігінің Статистика комитетінің баспасөз қызметіне сілтеме жасай отырып.

Сондай-ақ, комитет өкілдерінің мәліметінше, абаттандырылған тұрғын үйді жалға алу төлемі 0,2 пайызға жоғарылаған.

"Тұрғын үй нарығындағы бағаны байқау Астана, Алматы қаласы және облыс орталықтарында құрылыс компанияларын қоса қалалық қор бойынша жылжымайтын мүлікпен операцияларды жүзеге асыратын ұйымдардың іріктелген шеңбері бойынша жүргізіледі", - делінген Статистика комитетінің хабарламасында.

Теги: тұрғын үй
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Қазақстан Тәжікстанға 1 гектар жерді жалға бермек