Елімізде күннің қашан жылынатыны белгілі болды

Үш күннен соң, елімізде күн жылына бастайды. «Қазгидрометтің» таратқан мәліметі бойынша, сарышұнақ аяздың беті Қазақстанның көп бөлігінде қайтады екен. Оңтүстік аймақтарда тіпті ауа температурасы нөл градустан жоғарыламақ. 29-30-шы қаңтарда Солтүстік Қазақстан, Ақмола, Павлодар, Қарағанды мен Шығыс Қазақстанда ызғардың беті қайтып,  апта соңында ауа температурасы -7, -15 градус болады деп болжанған. Айта кетейік, 29-шы қаңтарға дейін еліміздің басым бөлігінде қатты аязға байланысты дауылды ескерту жарияланған болатын.