Елімізде сайлау комиссиясы мамандарының біліктілігі артпақ

Елімізде сайлау комиссияларында жұмыс істейтін мамандардың біліктілігі артпақ. Бұл - өз кезегінде, сайлау процестерінің жоғары деңгейде өтуіне септігін тигізбек. Орталық сайлау комиссиясы өкілдерінің айтуынша, тың дәріс электораттық оқытудың соңғы кезеңі көрінеді. Семинарға еліміздің барлық аймағынан 150-ге жуық адам қатысуда. 

«Қос семинардың қорытындысы бойынша, олар сынақ тапсырады. Сөйтіп, алған білімдерін дәлелдейді. Егер сыннан сүрінбей өтсе, оларға арнайы сертификат беріледі. Сол арқылы аймақ бойынша электораттық оқыту жүргізуге мүмкіндік алады», - деді Қазақстан Республикасы Орталық сайлау комиссиянының хатшысы Сәбилә МҰСТАФИНА.