Елімізде шеттен келіп, табыс табатындар көбейген

Елімізде шеттен келіп, табыс табатындар көбейген. Ұлттық экономика министрлігі Қазақстандағы демографиялық ахуал мен мигранттарға қатысты соңғы мәліметтерді жария етті. Сонымен, жыл басынан бері елімізде ресми түрде тіркелген мигранттар саны 7 мың 204 адамға жеткен. Бұл өткен жылмен салыстырғанда 36,3 пайызға артық. Келімсектердің дені Алматы мен Астанаға келгіштейді. Сандарға сенсек, қазір Елордада 20 мың 647, ал Алматыда 9 мың 698 мигрант еңбек етуде. 2017-ші жылдың 1-ші маусым айындағы көрсеткіштер бойынша, Қазақстан халқының саны 18 млн 14 мың 200 адамға жеткен. Оның ішінде қала тұрғындары 10 млн 358 мың адам, яғни 57,5 пайыз. Ал ауылдағы ағайын саны 7 млн 656 мың 200 адамға жуықтайды.