Елбасы Жапонияның үкімет басшысы Синдзо Абэмен келіссөз жүргізді

Елбасы Нұрсұлтан Назарбаев Жапонияның үкімет басшысы Синдзо Абэмен кеңейтілген құрамда келіссөз жүргізді. Бұл туралы Ақ Орданың баспасөз қызметі хабарлады. Екі жақты кездесуде қос елдің сауда-экономикалық және мәдени-гуманитарлық байланыстары талқыланды. 2015 жылы Қазақстан мен Жапония арасындағы өзара тауар айналымының көлемі бір жарым миллиард долларға жеткен. Бұл көрсеткіш әлі де ұлғаяры сөзсіз. Өйткені, Нұрсұлтан Назарбаев Қазақстан - Жапонияның Орталық Азиядағы ірі сауда-экономикалық серіктесі екенін мәлімдеді. Басқосуда тараптар 4 бірдей маңызды құжатқа қол қойды.

«Бүгінде Жапония - мемлекетаралық қарым-қатынастың, соның ішінде Орталық Азиядағы мемлекетаралық қарым-қатынастың лайықты архитектурасын қалыптастыру үдерісіне қатысушы басты елдің бірі. Біздер Біріккен Ұлттар ұйымының тұрақты емес мүшелеріміз және бірлескен жұмысымызды ядролық қарусыз әлем үшін күреске арнауға уағдаластық. Бұл - жалпыадамзаттық міндет», - деді Қазақстан Республикасының президенті Нұрсұлтан НАЗАРБАЕВ.