Қазақстандықтар Кемероводағы өрт апатына байланысты ресейліктерге көңіл айтуда

Қазақстандықтар Кемероводағы өрт апатына байланысты, Ресейдің Астанадағы елшілігіне қоңырау шалып, ресейліктерге көңіл айтып жатыр, деп хабарлайды «ҚазАқпарат» ХАА тілшісі.

«Ресей Елшілігіне көңіл айтып қоңырау соғып жатыр», - дейді дипломатиялық өкілдік қызметкерлері. Соңғы мәліметтерге қарағанда, «Зимняя вишня» сауда орталығында болған өрт апатынан қайтыс болғандар саны 64-ке жеткен. Өрт сөндірушілер 1,5 мың шаршы метрді шарпыған жалынды сөндірген. Алайда ғимараттың құлау қаупі бар. Қалаға ғимараттарға тіреуіш ретіндегі қосалқы қондырғылар жеткізілген.