Латын әліпбиінің екінші нұсқасында шикілік көп

Латын әліпбиінің екінші нұсқасында да шикілік көп. Тіл мамандары осыны алға тартты. Сондықтан, 3-ші рет қаріп жасауда қателік кетпесе екен деген тілек білдірді. Ал экономикалық жағынан шығын шығармау керек дегендердің уайымы негізсіз дейді. Өйткені, елімізге қажетті ақпараттық материалдың  80 пайызы электронды түрде сақталған. Оған қоса, ашылатын курстар мен оқулықтарды басып шығару - жаңадан мыңдаған жұмыс орын қажет етеді. Осы тұста, латын әліпбиін жасау, экономикалық жағынан елімізді әлсіретпейді, керісінше, тұрақты ете түседі. Ал, бүгінде латын әліпбиінің әдебиет пен техникадағы үлесі 95 пайыз екенін ескерсек, жаңа әліпбиді жасау кезек күттірмейтін мәселе. Енді жаңа жылға дейін нақты бір жоба бекітілетіні анық.