Максим Арышевтің құрметіне мемориалдық тақта орнатылады

Санкт-Петербургтегі теракт кезінде қаза тапқан Максим Арышевтің құрметіне «Сенная площадь» метро станциясында мемориалдық тақта орнатылады. Ескерткішті марқұмның достары мен туыстары тұрғызбақ. Бұған дейін кей ақпарат құралдарында отандасымыз Максим Арышевтің терактіге қатысы болуы мүмкін деген жалған ақпарат тараған еді. Ұлттық қауіпсіздік комитеті бұл қауесетті теріске шығарды. Іздеуде болған жерлесіміз лаңкестік әрекеттің құрбаны болып шықты. Сыртқы істер министрлігі марқұмның денесін елге қайтару мәселесін шешіп жатыр.