Серік Ахметов бостандыққа шықты

Серік Ахметов бостандыққа шықты. Еліміздің бұрынғы Премьер-министрін колония алдында туған туыстары мен бақ өкілдері күтіп алды. Тілшілердің сауалына жүре жауап берген Ахметов "болашаққа әлі жоспар құрмағанын, немен айналысатынын шешпегендігін" жеткізді. Айта кетейік, экс-премьер 2015 жылы аса ірі көлемде бюджет қаражатын жымқырды деген айыппен темір торға тоғытылған болатын. Сот оның мүлкін тәркілей отырып, бас бостандығын 10 жылға дейін шектеді. Әрі 5 жыл мемлекеттік қызметте жұмыс істеуіне тыйым салған. Серік Ахметов келген шығынды өтегеннен кейін, оның жазасы осы жылы рақымшылық бойынша қысқарған. Осылайша, ол колонияда тек 2 жылға жуық уақытын өткізді.