Шұңқырға құлаған 5 жасар бала мен оны құтқармақ болған ер адам тұншығып өлді

01.06.2018 21:09

Sputnik. Оралда 5 жасар бала мен оны құтқармақ болған ер адам қоқыс төгетін шұңқырға құлап, тұншығып өлді, деп хабарлайды "Мой город" порталы.

Қайғылы оқиға кеше Дерқұл кенті ауданындағы бау-бақша серіктестігінде болған.  

Саяжай тұрғындарының айтуынша, бала қоқыс төгетін шұңқырға құлап кеткен. Оны көрген ер адам баланы құтқармақ болады. Алайда екеуі де сыртқа шыға алмай, тұншығып өлген. 
"31 мамыр күні сағат 14:25-те хабар келіп түсті. Алайда 2013 жылы туған бала мен 30 жас шамасындағы ер адам жедел жәрдем келгенше көз жұмған", — деп мәлімдеді БҚО денсаулық сақтау басқармасының баспасөз қызметінен. 

Оқиғаның мән-жайы анықталып жатыр. 




Теги: шұңқыр
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Елбасы жаңа ипотека кімге берілетінін айтты