Алдағы демалыс күндері Алматыда ауа райы қандай болады

Алматыда демалыс күндері ауа райы қандай болмақ? Қазгидромет мамандары нендей болжам жасап отыр? «Қазгидромет» РМК Алматы қаласы бойынша филиалының инженер-синоптигі Дәулет КИСЕБАЕВ алдағы күндердің ауа райы туралы айтып берді.

– Дәулет мырза, демалыс күндері қала тұрғындары мен қонақтарын қандай күн райы күтіп тұр?

– Осы демалыс күндері Алматы қаласында ауа райы ашық, жауын-шашынсыз болады. Ауа температурасы түнде 14-16 градус жылы, күндіз 26-28 градус жылы болады.

– Ал демалысын тауда өткізгісі келетіндерді қандай ауа райы күтіп тұр? Табиғат аясында серуен жасауға мүмкіндік бола ма?  

– Таулы аймақтарда жексенбі күннің екінші жартысында жаңбыр жауып, найзағай ойнайды. Жел соғуы мүмкін. Ауа температурасы қалаға қарағанда 10 градусқа төмен болады.

– Келер аптада Алматыда қандай ауа райы болады? Күн суыта ма?  

– Келесі апта қалада ауа райы жақсы болады. Бірақ бейсенбі күні жаңбыр жаууы мүмкін. Найзағай ойнайды. Желс соғады. Ауа температурасы түнде 11-16 градус жылы, күндіз 23-28 градус жылы болады.

– Бізбен байланысқа шығып, сауалдарымызға жауап бергеніңіз үшін, көп рахмет!    

Жадыра Омаржан, «Алматы» телеарнасы