Экономист теңгенің бірден арзандау себебін түсіндірді

3 қыркүйекте күндізгі сессияның қорытындысы бойынша ұлттық валютаның долларға қатысты бағамы 369 теңгеге жуықтады. Оның себебі, Ресейге қарсы санкциялар, доллардың басқа валюталарға қатысты бағамының нығаюы мен нарықтағы үрейлі болжамдар. Мұндай пікірді Astana Best Consulting Group экономисі Арман Байғанов айтты, деп хабарлайды Tengrinews.kz.

РИА Новости мәліметінше, таяуда рубльдің долларға қатысты бағамы 59 тиынға әлсіреп, 68,14 рубль болған. Осы орайда ресейлік сарапшылар инфляцияның үдей түсетінін болжап отыр.  

«Кеше рубль әлсіреді. Ал доллар әлі де нығайып жатыр. Рубльдің 1 пайызға әлсірегенін көрген біздің халық белсенді түрде доллар сатып алып жатыр. Нарықта байбалам болып жатыр», – деді экономист Арман Байғанов.

Еске сала кетейік, мұның алдында таңғы сессияда ұлттық валюта бағамының долларына 367 теңгеге жуықтағаны хабарланған еді.