Универсиада медальдары таныстырылды

Универсиада медальдары таныстырылды. Ұйымдастырушылар ұзын-ырғасы 85 медаль сарапқа салынады деп отыр. Атлеттер спорттың 12 түрінен бақтарын сынайды. Аталмыш медальдар Универсиаданың бренд кітапшасы негізінде жасалған. Оның қапталдарында жарыстың ұраны 3 тілде жазылған екен. Одан өзге, медальда Алматының жаңа бренді бедерленген.                            

«Медальдар біздің Универсиада брендіне және Халықаралық студенттер федерациясының талаптарына сәйкес жасалды. Сонымен қатар, Универсиада Алматыда өтіп жатқандықтан, қаланың бренд белгісін таңбаладық. Медаль жазуы үш тілде берілді», - деді 28-ші Бүкіләлемдік Универсиадаға дайындалу және өткізу жөніндегі дирекция директорының орынбасары Камила ЛҰҚПАНОВА.