Алматы жұрты скрипкашы Нина Патрушеваны ақтық сапарға шығарып салды

Алматы жұртшылығы белгілі музыкант, скрипкашы Нина Патрушеваны ақтық сапарға шығарып салды. Қаралы жиын Жамбыл Жабаев атындағы филармонияда өтті. Музыка саласында өзіндік орны бар, ұстаз 91 жасына қараған шағында бақилық болды. Ол 100-ден астам еліміз бен әлемге белгілі музыканттарды тәрбиелеп шыққан. Олардың қатарында Марат Бейсенғалиев, Айман Мұсаходжаева бар. Нина Патрушева Қазақстанның еңбек сіңірген ұстазы және қайраткері, «Достық» орденінің иегері.