АҚШ-та 26 жастағы қазақстандық студент қаза тапты

АҚШ-та 26 жастағы қазақстандық студент қаза тапты. Хьюстон қаласында оқып жүрген Еркін Балғымбаев 14-қарашадан 15 қарашаға қараған түні ауруханада көз жұмған. Оның достарының ақпаратынша, отандасымызды соңғы күндері бас ауруы қатты мазалаған екен. Жас жігіт мұхиттың арғы жағындағы алып елде өзінің жұбайы екеуі білім алып жүрген. Белгілісі, ол Алматының тумасы болған. Марқұмның артында жесір әйелі мен кішкентай ұл-қызы қалды.

"Қазіргі таңда қайтыс болу себебі анықталуда. Біздің азаматымыздың денесін Қазақстанға жеткізу шарасы пысықталуда. Қазір біздің АҚШ-тағы елшілік қаза болғанның туыстарына тиісті жәрдем көрсетуде. Соның ішінде оның денесін Қазақстанға жеткізу мәселелелері пысықталуда. Тиісті консулдық, құқықтық мәселелер пысықталуда. Тағы бір қосымша ақпарат, Балғымбаевтың екі кәмелетке толмаған балалары бар. Олар АҚШ-та туған, сондықтан АҚШ-тың азаматтығы бар. Оларға біздің елшілігіміз қазіргі таңда тиісті Қазақстанның визаларын шұғыл түрде беру мәселелерін қосымша пысықтауда",- деді ҚР СІМ ресми өкілі, Ануар ЖАЙНАҚОВ.