Жастар ел тарихына қызығушылық таныта бастады - ҚХА

Алматы қаласының ҚХА өкілдері Республика күнінің маңыздылығы туралы айтты, деп хабарлайды Almaty.tv.

Естеріңізге сала кетейік, 1990 жылғы 25 қазанда ҚазКСР Жоғарғы Кеңесінің XII шақырылымының қаулысымен қабылданған мемлекеттік егемендік туралы Декларация Қазақстанның тәуелсіз мемлекет ретіндегі саяси-құқықтық негіздерін бекітті.

Біздің Президент Қасым-Жомарт Тоқаев елімізге Республика күнінің рухы мен мәнін барынша көрсететін жалпыұлттық бастамалар қажет екенін атап өтті.

Алматы қаласы ҚХА орынбасары, Алматыдағы «Қазақстандық орыс мәдени орталығы» қоғамдық бірлестігінің төрағасы Всеволод Лукашев журналистер алдында сөйлеген сөзінде алматылықтар мен ел тұрғындарын келе жатқан мерекемен құттықтады.

- Бұл - сезіну, шешім қабылдау мерекесі және жасампаздық мерекесі. Республика күні дегенде маған осындай ой оралады. Бұл - тәуелсіздік декларациясына сүйене отырып, жаңа ел құруды бастаған кезең, - деп атап өтті ол.

Айта кетейік, Всеволод Анатольевич Республика күні елдегі жалғыз ұлттық мереке екенін және оның маңызы өте жоғары екенін атап өтті. Бұл күн біздің мемлекет ретінде қалыптастақынымызды білдіреді. Спикер Республика күні –  болашаққа жасалған қадам екенін атап өтті.

Республика күніне орай этномәдени бірлестіктердің өкілдері бірқатар іс-шараны жоспарлағанын айта кетейік. Кейбіреулер ардагерлерді құттықтаса, басқалары жастарға назар аударады. «ҚХА стратегиясын іске асырудағы этномәдени бірлестіктердің рөлі» атты дөңгелек үстел өтті, шағын футболдан турнир, армян қауымдастығында концерт өткізілді, іс-шараны "Аналар" кеңесі өткізді. 23 қазанда сағат 14.00-де Қазақ ұлттық филармониясында іс-шара өтеді.

Қазақстан ұйғыр жастары одағының төрағасы Рустам Қайрыев 25 қазан егемендік жолындағы алғашқы қадам екенін атап өтті. Бұл мереке кеңінен насихатталуы керек.

- Мен көптеген жастар ұйымының креативті, заманауи іс-шара ойлап тауып, Республика күнін мерекелеуге қосылғанына қуаныштымын. Бүгінде жастар ел тарихына қызығушылық таныта бастады, - деді Рустам Қайрыев.

Жастардың қосқан үлесі туралы айта келе, Рустам жақында Алматы облысында "Zhastar Generation – 2023" республикалық слеті өткенін, оған еліміздің 12 өңірінен этномәдени бірлестіктің өкілі қатысқанын айтты. Іс-шара Республика күнін мерекелеуге орайластырылған. Слеттің ашылуында ҚР туы көтеріліп, әнұран орындалды.

- Іс-шарада республиканың қалыптасуы кезең-кезеңімен басталған мәселелер талқыланды, интерактивті алаңдар болды, олардың кейбіреулері мемлекеттік рәміздерге арналды. Бұдан басқа, 25 қазанда Алматы көшелерінде интерактивті ойындар жоспарланған. Дұрыс жауап бергендер үшін Қазақстан символикасы бар сыйлық берілетін болады, - деп толықтырды Рустам Қайрыев.

Бұл іс-шаралардың барлығы мемлекеттік тілді насихаттауға бағытталуы өте маңызды

Оқи отырыңыз: Республика күні: Алматыда қандай іс-шаралар өтеді