Алматы әкімдігі қаладағы қисынсыз құрылысқа жол бермеу үшін 8 жер телімін сатып алады

Алматы әкімдігі қаладағы қисынсыз құрылысқа жол бермеу үшін 8 жер телімін сатып алады. Бұл туралы қалалық жер қатынастары басқармасының басшысы Ардақ Самамбетов мәлімдеді, деп хабарлайды Almaty.tv.

Бұл жер телімдерінде жасыл-желек отырғызылып, қоғамдық демалыс орындары салынады. Ал, жалпы биылдыққа көлік, энергетика, білім беру салалары үшін  25 нысан сатып алу жоспарланған.  

«Келіп түскен өтінімдерді қарастырып жатырмыз. Осыдан кейін ол жер комиссиясына жіберіледі. Олар жер телімдерін алу туралы қаулы шығарады. Бағалау процесі қаулы қабылданғаннан кейін жүргізіледі. Биыл жұмысты бастаймыз, бюджет мүмкіндіктеріне қарай іске асыратын боламыз», – деді қалалық жер қатынастары басқармасының басшысы Ардақ Самамбетов.