Алматыда жол жөндеу жұмыстары басталады

Бүгінде Алматы қаласы ұзындығы 3097 км жол бар. 2023 жылы ұзындығы 200 км 175 көшедегі жол жабынына орташа жөндеу жүргізілді, деп хабарлайды Almaty.tv.

2024 жылы ұзындығы 250 км 274 көшеде жол жабынына орташа жөндеу жүргізу жоспарланған. Көшелердің толық тізімі мен жолды орташа жөндеу жұмыстарының жоспары техникалық құжаттамаға сараптама қорытындысын алғаннан кейін сәуір айында жарияланады.

Орташа жөндеу кезінде жол төсемдерінің тозу қабаты мен тегістігін мерзімді қалпына келтіру, сондай-ақ жер төсемінің, су бұрудың, жасанды, қорғаныш, нығайту, реттеу және басқа да жол құрылыстарының зақымдануын түзету, жол төсемін қиылыста және оған жақын жерде кеңейтіледі немесе тарылтады, автотұрақтар, аялдама қалталары мен алаңдар, тротуарлар мен велосипед жолы жасалады. Орташа жөндеу жұмыстардың көлемі қала жолдарының КЖЖ көліктік-пайдалану жай-күйін диагностикалау нәтижесі мен ақаулар ведомостары негізінде жасалатын сметалық есептеумен айқындалады.

Сонымен қатар ауа райы қолайлы болса, аудан әкімдіктері жолға ағымдағы шұңқырлы жөндеуді бастайды. Жол материалымен қамтамасыз ету мақсатында асфальтбетон зауытының жұмысы мерзімінен бұрын іске қосылды.

1. Алмалы ауданында ағымдағы жөндеумен бүкіл аудан бойынша 39,8 мың шаршы метр жол төсемін қамту жоспарланған. Сәуір айында 8 мың м2 жөндеуді бастау жоспарланған. Атап айтқанда, ағымдағы жөндеу жоспарына Назарбаев даңғылының бойы Абай мен Райымбек даңғылы аралығында учаскелер; Төле би көшесінің бойы Назарбаев даңғылынан Байтұрсынов көшесіне дейін; Абылай хан көшесінің бойы Төле би көшесінен және Райымбек даңғылына дейін т.б. аумақтар кіреді.

2. Медеу ауданында 2024 жылы ағымдағы жөндеу аясында 50 мың үйді жөндеу жоспарлануда. Жұмыс 2024 жылдың II тоқсанында басталады деп жоспарланған. Ағымдағы жөндеумен Гоголь, Мақатаев, Қайырбеков көшесі, Достық даңғылы, Қонаев көшесі, Қалдаяқов көшесі, Луганский, Мәметова көшесі, Назарбаев даңғылы және т.б учаскелер қамтылады.

3. Бостандық ауданында 2024 жылы ағымдағы (шұңқырлы) жөндеумен жолдар мен тротуарлардың 30 мың шаршы метрден астам асфальт жабынын қалпына келтіру жоспарланған. Биыл сәуір-мамыр айларында Қ.Салықов көшесі, Арайлы көшесі, Ж. Үшкемпіров көшесі, Жандосов көшесі, Бұқар Жырау бульвары, Талды көшесі, Центральная көшесі және т.б аумақтағы жолды жөндеу басталмақ. Ағымдағы жөндеумен ауданның 100-ге жуық көшесі қамтылады.

4. Түрксіб ауданында бүкіл аудан бойынша 30 мың шаршы метр жұмыс көлемімен жол жабынына ағымдағы (шұңқырлы) жөндеу жұмыстары басталды. Шұңқырларды жөндеу мына аумақтарда жүргізіледі: Лавренев көшесі, қала шекарасынан ВАЗ-ға дейін; Сүйінбай даңғылы, Бекмаханов көшесінен жаңа көпірге дейін; Даналық көшесі, Шемякин көшесінен Волочаев көшесіне дейін; Щелково көшесі, Сүйінбай даңғылынан Гете көшесіне дейін; Бекмаханов көшесі, Сүйінбай даңғылынан Бартольд және Шемякин көшесіне дейін, Хмельницкий көшесінен Рысқұлов даңғылына дейін.  

5. Жетісу ауданында жолдарды шұңқырлы жөндеу наурыз айының ортасында басталды, 35 мың шаршы метр жол қамтылады. Жұмыс осы жылдың қараша айына дейін жалғасады. Кудерин көшесіндегі Райымбек даңғылынан Рысқұлов көшесіне дейінгі; Жансүгіров көшесіндегі Боралдай көшесінен Жұмабаев көшесіне дейінгі; Жангелдин көшесіндегі Рысқұлов көшесінен Райымбек даңғылына дейінгі; Құлагер, Айнабұлақ, Кемел шағынаудандарындағы, Жұмысшы кенті; Райымбек және Сүйінбай даңғылдарының қиылысындағы учаскелер ағымдағы жөндеуден өтеді.

6. Әуезов ауданында 2024 жылы ағымдағы жөндеу аясында 50 мың шаршы метр жол жабынын қалпына келтіру жоспарлануда. С.Шаймерденов көшесі-Жандосов көшесі қиылысы; Алтынсарин даңғылының қиылысы-Қабдолов көшесі; Қабдолов көшесі, 2; Өтеген батыр-Алтынсарин даңғылы; Абай даңғылы-Момышұлы көшесіне жетпей; Таугүл-1 шағынауданы, Сүлейменов көшесі; Жандосов көшесі батыс бағытта; Алтынсарин даңғылы-Жұбанов көшесінің қиылысындағы учаскелерге ағымдағы жөндеу жүргізіледі.

7. Алатау ауданында 30 мың шаршы метр жол төсемін жөндеу жоспарланып отыр. Жұмысты осы жылдың сәуір айында басталады. Жанқожа батыр көшесі, Әубәкіров көшесі, Тәкежанов көшесі, Жалайыр көшесі, Шоған Абыз көшесі, Тілендиев көшесі, ҮАК бойы, Рысқұлов даңғылы, Райымбек даңғылы және т.б. аумақтарда шұңқырлы жөндеу жұмыстары жүргізіледі.

8. Наурызбай ауданында ағымдағы жөндеу аясында жолдардың 45 мың шаршы метрін қалпына келтіру жоспарлануда. Қ.Надыров көшесінің бойы Шолпан көшесінен Тәжиев көшесіне дейінгі; Тәжиев көшесінің бойы Надыров көшесінен тұйыққа дейінгі; аудан шегіндегі Жандосов пен Қонаев көшелері және т.б. учаскелер ағымдағы жөндеуден өтеді.

Жыл басынан бері аудан әкімдіктері қала жолдарында пайда болған шұңқырларды бақылау жүргізген. Сондай-ақ аудан әкімдіктеріне тұрғындардан пайда болған шұңқырлар бойынша шағымдар келіп түседі.

Барлық өтініш пен мониторинг негізінде аудан әкімдіктері жолдарды ағымдағы – шұңқырлы жөндеу жұмыстарын жүргізеді.