Алматы әкімі Еуропалық қайта құру және даму банкінің делегациясымен кездесті

Алматы әкімі Е. Досаев Еуропа қайта құру және даму банкінің (ЕҚҚДБ) вице-президенті Алан Пиюмен қаланың инфрақұрылымын жақсарту жөніндегі жобаларды және шағын және орта бизнесті дамыту жөніндегі бастамаларды талқылады, деп хабарлайды Almaty.tv.

Алматы әкімдігі мен ЕҚҚДБ соңғы 13 жыл ішінде тұрғын үй-коммуналдық шаруашылықты, инфрақұрылымды модернизациялауға және көлік секторын дамытуға бағытталған бастамаларды ілгерілету аясында жемісті ынтымақтасуда.

Кездесу барысында троллейбус паркін жаңарту перспективасы және тартқыш қосалқы станцияларды (190 троллейбус, 10 қосалқы станция) модернизациялау мәселелеріне ерекше назар аударылды.

Тараптар сондай-ақ жеңіл рельсті көлік (ЖРК) құрылысы бойынша бірлескен ынтымақтастық мүмкіндігін талқылады. Еуропалық қайта құру және даму банкі бұрын (2015-2018 жж.) Алматы қаласында ЖРК жүйесін салу және пайдалану жобасын іске асырудың жайлылығы (экологиялық, экономикалық және әлеуметтік талдауды қоса алғанда) бойынша зерттеулер жүргізген болатын.

Кездесу барысында қаладағы экологиялық ахуал мәселелері талқыланды. Ағымдағы жылдың ақпан айындағы алдын ала деректер бойынша ауада азот диоксиді (NO2) нормасының 6 есе, күкірт диоксиді (SO2) және азот оксиді (N2O) нормасының 5 есе артуы тіркелген. Ластанудың негізгі көздерінің бірі өнеркәсіптік кәсіпорындар болып табылады (37%). Сараптамалық қорытындыға сәйкес, ЖЭО-2 модернизациялау қажет. ЕҚДБ жобаның кредиторларының бірі ретінде әкімдік тарапынан қолдау сұрады, ол көмек көрсетуге дайын екенін растады. Жобаны табысты іске асыру үшін бірлескен жол картасы әзірленелі және қабылданатын болады.

Кездесу барысында Алматыда энергия тиімділігі және энергия үнемдеу бойынша ESG-жобаларын іске асыру, су, жылу шығындарын азайту үшін инженерлік инфрақұрылымды модернизациялау және т.б. мәселелер талқыланды.

Қаланы дамытудың маңызды бағыты оны цифрландыру болып табылады. Тараптар қаланың инфрақұрылымы мен процестерінің жоғары дәлдіктегі цифрлық көшірмесі болып табылатын "цифрлық көшірме" жобасын іске асыру бойынша ұсынысты қарады. Жүйе климаттың өзгеруі, қоғамдық көлік, халықтың өсуі және т. б. мәселелерді қоса алғанда, түрлі жағдайларда нфрақұрылымды дереу-тестілеу деректерін өңдеуге арналған платформа болып табылады.

Шағын және орта бизнесті қолдау және дамыту мақсатында бірлескен бағдарламалар мен бастамалар талқыланды. Айта кетерлігі, кәсіпкерлік саласы қала үшін зор  маңызға ие – бұл секторда 10 алматылықтың 6-ы жұмыс істейді.

Кездесу соңында тараптар ұсынылған жобаларды бір ай мерзімде зерделеуге және одан әрі ынтымақтастық мақсатында талқылауларға қайта оралуға келісті.