|
22.05.2024 | 09:54
1380

Алматыда клуб үйінің үшінші қабаты сот шешімімен бұзылады

Төменгі қабаттарға зақым келтірмеу үшін қолмен бұзылып жатыр

Алматыда клуб үйінің үшінші қабаты сот шешімімен бұзылады Алматы әкімдігі / пресс-служба акима Алматы

Алматының Қала құрылысын бақылау басқармасы Ерменсай шағынаудаеыедағы, 7 бұрыш, 8/1 учаскедегі ТҮК-нің  үшінші қабатын бұзудың басталғаны туралы айтты, деп хабарлайды Аlmaty.tv.

Тапсырыс беруші (жеке тұлға) екі қабатты үйдің құрылысына рұқсат құжаттарын алған, бірақ ол қосымша тағы бір қабат тұрғызған, бұл жоспардан тыс тексеру барысында анықталды.

Соның нәтижесінде меншік иесіне қатысты ҚР ӘҚБтК 316-бабы 1, 462-бабы 3 бойынша әкімшілік шаралар қабылданды.

Басқарманың талап-арызы бойынша сот талқылауларының қорытындысына сәйкес, 2022 жылы 15 маусымда Алматы қалалық соты 3-қабатты бұзу туралы шешім шығарды.

Нысанның қабатын бұзу бүгін Әділет департаменті сот орындаушыларының қатысуымен басталды. Төменгі қабаттарға зақым келтірмеу үшін қолмен бұзылып жатыр.

- Жер учаскелерінің меншік иелері мен құрылыс компанияларын ҚР Сәулет және қала құрылысы қызметі туралы Заңның және құрылыс салуды ұйымдастыру ережелерінің бұзылуына жол бермеуге және құрылысты тек заңды негізде бастауға шақырамыз. Олай болмаған жағдайда сот сатысында істерді қараумен және кейіннен бұзудың жоғары ықтималдығымен заңнама аясында жауапкершілік қауіп төндіреді, - деп атап өтті Басқармада.

Естеріңізге сала кетейік, бұған дейін Алматы әкімі Ерболат Досаев заңсыз құрылысты бақылауды күшейтуді тапсырған болатын.

Жалпы, қалада талап қою қызметінің нәтижелері бойынша өткен жылдан бастап 34 заңсыз нысан толығымен немесе жартылай бұзылды, оның ішінде бизнес-орталықтар, мейрамханалар, қосалқы ғимараттар мен автосервистер, сондай-ақ «Мечта» және KHAN сияқты ірі тұрғын үй кешендері бар.

Оқи отырыңыз: Шешімін тапқан мәселе: Ерболат Досаев Бостандық және Алмалы ауданындағы бірқатар нысанды аралады

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир