Алматыда балалар қауіпсіздігін сақтауға байланысты үгіт-насихат жұмысы жүргізілді

Алматы қаласы Наурызбай ауданының Төтенше жағдайлар Басқармасы балалар қауіпсіздігін сақтауға байланысты үгіт-насихат жұмысын жүргізді, деп хабарлайды Almaty.tv тілшісі.

«Наурызбай ауданының Төтенше жағдайлар Басқармасымен «2022 жыл Балалар жылына орай» және қала тұрғындарымен балалардың қауіпсіздігін сақтау және ақпараттындыру мақсатында үгіт-насихат жұмыстары жүргізілді, аталған жұмыстар барысында жадынамалар таратылды. Аталған бағытта жұмыстар жалғастырылуда», делінген басқарма хабарламасында.

Естеріңізге сала кетейік, 2022 жылды Мемлекет басшысы Қасым-Жомарт Тоқаев Балалар жылы деп жариялаған еді. Осыған орай биыл балаларды қорғауға, оларды сапалы біліммен қамтуға және т.б. шараларға көңіл бөлінуде.