Алматының Бостандық ауданында 65 көшеде жөндеу жұмыстары аяқталды

Бостандық ауданында жалпы ауданы 8 248 шаршы метр болатын 65 көшеде жөндеу жұмыстары аяқталды. Бұл туралы қала әкімі Ерболат Досаев тұрғындармен кездесу барысында айтты, деп хабарлайды Almaty.tv.

«Біздің алғашқы кездесуімізде тұрғындар Асқаров және Биокомбинатская көшесіне жөндеу жұмыстарын жүргізуді сұраған еді. Бүгінгі күні бұл жұмыстар орындалды. Бұдан басқа, жалпы ауданы 8 248 шаршы метр 65 көшеде жөндеу жұмыстары аяқталды», – деді қала әкімі.

Оның айтуынша, қазіргі таңда 17 көшеде орташа жөндеу жұмыстары басталды, сондай-ақ тамыз айынан бастап 4 көшенің (Талапты, Рахмадиев, Арайлы көшелері, әл-Фараби даңғылы) асфальтын ауыстыру жоспарланып отыр. Аталған учаскелер қарашаға дейін толығымен аяқталады.