Биыл Әуезов ауданында 17 шақырымдай көше жөнделді

Ауданның жол инфрақұрылымының сапасын жақсарту мақсатында 50 көшеге ағымдағы жөндеу жүргізілді, деп хабарлайды Almaty.tv.

Сондай-ақ, ұзындығы 16,9 шақырым 17 көше мен өтпе жолдар жөнделді. Биылға ұзындығы 32,4 км 23 көше мен өтпе жолдарды жөндеу жоспарланған. Жұмыстар қарашаның соңына дейін аяқталатын болады.

Ақсай-1А шағынауданының бірнеше үйінің ауласы мен Жетісу-2 шағынауданындағы №31 үйдің маңындағы қозғалысты қауіпсіздендіру туралы тұрғындардың өтініштері бойынша аталған мекенжайларда жылдамдықты шектейтін жол белгілері мен «жылдамдық бәсеңдеткіш» орнатылды.