Алматыдағы Сайран көлі жыл соңына дейін абаттандырылады

Алматыда 2024 жылы "Сайран" көлін абаттандыру жұмысын аяқтау жоспарланады. Бұл туралы Алматы қаласының әкімі Ерболат Досаев Алмалы ауданының тұрғындарымен кездесу барысында  айтты, деп хабарлайды Аlmaty.tv. Мегаполис басшысының айтуынша өткен жылы конкурстық рәсімдер өткізіліп, мердігер ұйыммен келісімшартқа қол қойылды. 

- Сайран көлінің жағалауын нығайту жұмыстары басталды. Тастақ шағынауданында көрсетілген аумақты реконструкциялауды аяқтау 2024 жылдың соңына дейін  жоспарлануда, - деп түсіндірді Ерболат Досаев.

Бұрындары хабарланғандай, Алматыда 50 жыл ішінде  бірінші рет "Сайран" көлінің түбін тазарту жұмыстары жүргізілген болатын.

Оқи отырыңыз: Ерболат Досаев Алмалы ауданы тұрғындарымен кездесті