Беткейлерді нығайту: Алматының көшкін қаупі бар учаскелерінде қандай жұмыс жүргізілуде

Медеу ауданы тұрғындарымен кездесуде Алматы әкімі Ерболат Досаев осы жылдың ақпан айында «Тау-Самал»  шағынауданындағы Олимпийская көшесі бойында жиналған су салдарын жою бойынша қабылданған шара туралы айтып берді, деп хабарлайды Almaty.tv.

Қала басшысы атап өткендей, қирандылар мен қираған конструкциялардан 1 500 шаршы метр беткей тазартылды, көлемі 800 текше метр темірбетон конструкциялары бөлшектелді, көлемі 220 текше метр габион конструкциялары орнатылды. Кабельдік тор жүйесін орнату жалғасуда.

Осы жылдың қазан айында дренаждық құбырлар, арық жүйесі және құдықтар орнатылады. Жұмыс 2024 жылдың наурыз айынан бастап жүргізілуде, аяқталу мерзімі — биылғы жылдың қазан айы. Бұл жұмысқа 1,5 млрд теңге бөлінді.

Көшкін сынды қауіпті жағдайдың алдын алу мақсатында 2024 жылдың ақпан айында қала әкімінің тапсырмасы бойынша қауіпті учаскелерді зерттеу үшін жұмыс тобы құрылды. Медеу ауданы бойынша 74 учаске зерттелді, оның 10-ы тұрақты, қосымша жұмыстар жүргізуді талап етпейді. Тәуекел дәрежесі жоғары 11 учаске бойынша оның 5-ін нығайту және қалған 6 учаскені сатып алу жөнінде шешім қабылданады. 53-і бойынша жоспарлы режимде кешенді жұмыстар жүргізіледі.