Алматы әкімі алматылықтарды Рождество мерекесімен құттықтады

Алматы қаласының әкімі Ерболат Досаев православие христиандарын Рождество мерекесімен құттықтады, деп хабарлайды Аlmaty.tv.

- Алматылықтар келісім мен бейбітшілікті бейнелейтін осы жарқын мерекені қуанышпен және үмітпен қарсы алады. Рождествоны тойлау барлық қазақстандық үшін көпұлтты халқымыздың бірлігін, адами құндылықтардың бірлігін көрсететін игі дәстүр болып табылады, - деді қала басшысы.

Әкім православие басқа конфессиялармен қатар отандастарымыздың өмірінің маңызды құрамдас бөлігі болып табылатынын, жалпыұлттық бірлікті нығайтуға ықпал ететінін, мәдениет пен дәстүрдің сан түрлі байлығын сақтайтынын атап өтті.

- Бұл жарқын Рождество күндерінде барлық православие христиандарына бақыт пен амандық, ал Отанымыз – Қазақстан Республикасына бейбітшілік пен өсіп-өркендеу тілеймін!, - деді Ерболат Досаев.

Оқи отырыңыз: Президент православ христиандарын Рождество мерекесімен құттықтады