Ерболат Досаев Digital Almaty бесінші мерейтойлық форумының қатысушыларымен кездесті

Алматы әкімі Ерболат Досаев Digital Almaty бесінші мерейтойлық форумының қатысушыларымен кездесіп, жылы лебізін білдірді, деп хабарлайды Almaty.tv.

Алматыда V Халықаралық "Digital Almaty 2023: жаңа болмыстағы цифрлық әріптестік" цифрлық форумы өтіп жатыр.

"Мен сіздерді Digital Almaty бесінші мерейтойлық форумында қарсы алғаныма қуаныштымын. Цифрлық трансформация мәселелерінің өзектілігін асыра бағалау қиын. Әлем тез өзгеруде және барлық жерде цифрландыру осы прогрестің негізгі қозғалтқыштарының бірі болып табылады. Форумның мазмұнды күн тәртібі біздің көз алдымызда болып жатқан тектоникалық өзгерістердің кең ауқымын көрсетеді", – деді қала әкімі.

Оның айтуынша, мемлекеттік басқарудың цифрлық трансформациясы, роботтандыру, киберқауіпсіздік, Қарулы Күштерді цифрландыру, білім беру жүйелері, қалалық мобилділік және "ақылды қала" тұжырымдамалары Digital Almaty — да екі күн бойы талқыланатын тақырыптардың кейбіреулері ғана.

"Біз Digital Almaty форумының көптеген қатысушыларды жинағанын көріп отырмыз, бұл оған цифрлық индустрия саласындағы мамандар тарапынан үлкен қызығушылықты көрсетеді. Форум прогреске деген сеніммен біріктірілген пікірлестерді жинайтын шын мәнінде халықаралық алаңға айналғанын айту орынды", – деді Ерболат Досаев.

Сонымен қатар, Алматы Қазақстанның ең ірі мегаполисі ретінде цифрлық трансформациялар фарватерінде сенімді түрде алға жылжуда. Алматыда цифрландырудың ену деңгейі Қазақстандағы ең жоғары көрсеткіштердің бірі болып табылады: бүгінде қалада мемлекеттік қызметтердің 96%-ы цифрлық форматта жүргізіледі және бұл және бұл көрсеткіш үнемі өсіп келеді.

"Өткен жылдың шілдесінде Алматы алғаш рет Thoughtlab (Нью-Йорк) әлемдік жетекші зерттеу компаниясының нұсқасы бойынша цифрлық даму стратегияларының әзірлігі дәрежесі  жөнінде Азия қалаларының алғашқы бестігіне кірді. Өткен жылдың қыркүйек айында Алматы Almaty Data Lake-бірыңғай деректер қоймасы жобасымен IEEE Smart Cities Awards Contest халықаралық "ақылды қалалар" байқауының финалисі атанды. Қабылданған қаланы дамыту бағдарламасындағы 7 негізгі басымдықтың бірі "Алматы – Смарт-сити"құру болып табылады. Ағымдағы жылдың күзіне қарай Сингапур және Шанхай сияқты мегаполистерге ұқсас қаланың "цифрлық егізін" құруды бастау жоспарлануда", – деді Е. Досаев.

Қала әкімінің айтуынша, Алматының одан әрі дамуы үшін маңызды жобалар қаланы басқаруды жақсартуға мүмкіндік беретін өзге де жүйелі платформалық шешімдер болып табылады. Бұл қаланың бірыңғай деректер қоймасы, геоаналитиканың бірыңғай платформасы. Бірыңғай бейнемониторинг жүйесі биыл Алматының 80%-ын қамтиды. Бұл – цифрландыруға қатысты цифрландыру емес, ең алдымен, жайлы қалалық орта құру және қала тұрғындары мен қонақтарының қауіпсіздігін қамтамасыз ету.

"Құрметті ханымдар мен мырзалар!

Сіздерге алдағы күндері пайдалы және нәтижелі пікірталастар, кездесулер тілеймін және Алматыда уақыттарыңызды жақсы өткізулеріңізге тілектеспін.

Сіздерге тілейтінім – жаңа жетістіктер, мықты денсаулық және сәттілік!", – деді қала әкімі.