Алматыда пилоттық режимде қыркүйек айынан бастап оқушыларды мектепке тасымалдайтын автобустар жүргізу жоспарланды. Бұл туралы Алматы қаласының әкімі Ерболат Досаев Әуезов ауданының тұрғындарымен кездесу барысында айтты, деп хабарлайды Almaty.tv.
"Тасымалдау автобустары туралы көктемде айтқанмын. Мәселе әлі толық шешілген жоқ. Дегенмен, кеше ғана осы мәселеге байланысты кездесу өткіздім. Бұл - пилоттық жоба болмақ. Әр ауданнан мектептер таңдалды, жалпы саны 28 мектепке балаларды тасымалдау автобустарын жүргізу пилоттық режимде жоспарланған. Барлығы орынды болса, бағдарламаны қыркүйектің соңына дейін қабылдаймыз", - деп жауап берді әкім.
