Алматыда 22 қаңтардан бастап қаланың 5 ауданында азық-түлік жәрмеңкесі өтеді

Алматы әкімінің орынбасары Мақсат Қиқымов Бақытжан Сағынтаевтың төрағалығымен өткен Алматы қаласының тыныс-тіршілігін қалпына келтіру жөніндегі қалалық штаб отырысында сөйлеген сөзінде осы және басқа да маңызды шаралар туралы айтып берді, деп хабарлайды Almaty.tv.

Әкімнің орынбасары 9 қаңтарда «үй жанындағы» дүкен сөрелерінде өнім тапшылығын болдырмау мақсатында азық-түлікті төмен бағамен жеткізуге өтінімдерді қабылдау бойынша жедел желі құрылғанын хабарлады.

Осы жылдың 24 қаңтардағы жағдай бойынша 120 өтінім алынды және 90 тонна өнім тиелді, оның ішінде 85,2 тонна бакалея өнімдері (күнбағыс майы, 1-сұрыпты ұн, қарақұмық жармасы, қант) 4,8 тонна жұмыртқа.

Қазіргі уақытта қаланың барлық аудандарында В, С класты дүкендерді қамтуды ұлғайту үшін өтінімдерді қабылдау жалғасуда.

М. Қиқымовтың айтуынша, ӘМАТ бағасын тұрақтандыру бойынша жұмыс ерекше бақылауда.

22 қаңтардан бастап апта сайын қаланың 5 ауданында (Алмалы, Медеу, Бостандық, Алатау, Әуезов) «демалыс күні» азық-түлік жәрмеңкелері қайта басталады. Оған Алматы облысының жақын аудандарының ауыл шаруашылығы тауарын өндірушілері, сондай-ақ Алматы қаласының азық-түлік кәсіпорындары қатысады.

Бұдан басқа, Алматыда көкөніс әлеуметтік дүкендерінің үлгісі бойынша 5 базарда («Жұлдыз», «Орбита», «Таусамалы», «Арыстан», «Тастақ») ет дүкендері іске қосылды, онда сиыр етінің кеуде-жауырын бөлігі 2050 тг/кг-нан сатылады, бұл орташа нарықтық бағадан (ҚҚ-2325 тг/кг) 13,5%-ға төмен.