Алматыда «Батыр-панфиловшылар» шыңына альпиниада өтеді

2024 жылдың 7 мамырында Отан қорғаушылар күнінің құрметіне орай және «Алматы – біздің ортақ үйіміз» науқаны аясында Кіші Алматы шатқалының ең әдемі шыңдарының бірі – Батыр-Панфиловшылар шыңына жаппай өрмелеу болады, деп хабарлайды Almaty.tv.

Шыңға өрмелеу бағыты Медеу биік таулы  мұз айдынынан (1600 м) жалпы ашылуымен сағат 05:30-да басталады және «Шымбұлақ» тау шаңғысы курорты, Тұйық су, Мыңжылқы шатқалдары, Мәншүк Мәметова мұздығы мен асуынан, Панфиловшы- Батырлар шыңына(4120 м) көтеріледі. Бағыты өте күрделі-қиындық санаты 1А.

Шыңға өрмелеуді ұйымдастырушылар – Алматы қаласының Туризм басқармасы (Almaty_Tourism Bureau), Алматының альпинизм федерациясы (falp.kz) және Алматы мен Қазақстанның спорттық туристер достастығы (Turclub.kz). Альпиниадаға қатысуға барлық ниет білдірушілер шақырылады. Кері бағытта қатысушыларға «Алматы – біздің ортақ үйіміз» науқаны аясында бағыт бойындағы қоқыс пен ұсақ қалдықтарды жинау шарасына қосылу ұсынылады.

Қатысушылар таудағы ауа райына сәйкес жабдықталуы керек, шаңғы таяқшаларын пайдалану ұсынылады. Альпиниаданың барлық қатысушы үшін 2023 жылғы 7 мамырда сағат 05:30-дан 08:30-ға дейін Медеу – Шымбұлақ – Медеу гондолалық жолында жол жүру құны 1000 теңгені құрайды. Альпиниаданы өткізу қауіпсіздігін Алматы қаласының альпинизм федерациясының күштері және Қазақстанның тау құтқарушылар қауымдастығы қамтамасыз етеді.

Батыр-Панфиловшылар шыңын алғаш рет 1942 жылы Бүкілодақтық тау-кен даярлау мектебінің курсанттар тобы бағындырған болатын. 2012 жылдан бастап осы бағыт бойынша альпиниадалар жыл сайын өткізіледі.

Іс-шара Алматы қаласының халқы мен жастарын белсенді демалыс түрлеріне, салауатты өмір салтын ұстануға, қоршаған ортаға және тауларға бару мәдениетіне ұқыпты қарау құндылықтарын қалыптастыруға тартуға арналған.