Меншікті өндіріс
Біз әлеуметтік желілердеміз
Наурызбай ауданында жол инфрақұрылымы қалай дамып жатыр
Бұл туралы Алматы әкімі Ерболат Досаев Наурызбай ауданы халқымен кездесуінде айтып берді
Алматы әкімі Ерболат Досаев Наурызбай ауданы халқымен кездесуінде аудандағы жол инфрақұтылымы жайлы айтып берді, деп хабарлайды Almaty.tv.
Оның айтуынша, жыл басынан бері Ақжар шағынауданында бұрын-соңды асфальт болмаған ұзындығы 13 км болатын 27 көшеге асфальт төселді. Бүгінгі таңда ұзындығы 6,7 км болатын 19 көше асфальтталды. Қараша айының соңына дейін тағы 8 көшеде жұмыстар аяқталады.
Сондай-ақ ұзындығы 23 км 30 көшеде орташа жөндеу жұмыстары аяқталды. Қараша айының соңына дейін ұзындығы 7 км тағы 8 көше жөнделеді.
«Алма Сити-5» тұрғындарының өтініштерін ескере отырып, әкімдік Алатау даңғылындағы магистралды жол арқылы тұрғын үйге оңай жету үшін 86 соттық жер сатып алып, жол салды.
Осы учаскеде жаңа №44 автобус іске қосылды.
"Сондай-ақ, биылғы қараша айының соңына дейін Төле би көшесінің Алатау даңғылынан Жүнісов көшесіне дейінгі бөлігін салып аяқтаймыз", - деп мәлімдеді мегаполис басшысы.
Тұрғындарға қызмет көрсету сапасы мен жайлылығын арттыру мақсатында 8 маршрут ұзартылып, жаңартылды. Сондай-ақ Қалқаман, Қарағайлы, Шұғыла және Абай саяжайлары шағынаудандарында 12 аялдама кешені орнатылды.
Жаяу жүргіншілер қауіпсіздігін қамтамасыз ету үшін Шаляпин мен Сәбденов көшелерінде 2 реттелетін бағдаршам объектісі және жалпы ауданда 86 жол белгісі орнатылды.