Наурызбай ауданының бес шағынауданында инженерлік желілердің құрылысы аяқталды

Бүгін Алматы қаласы Наурызбай ауданының әкімі Санжар Тоғай Өңірлік коммуникациялар қызметінің брифингінде атқарылған жұмыстар туралы есеп берді. Оның айтуынша, аудан әлеуметтік-экономикалық тұрғыдан дамып келеді, деп хабарлайды Almaty.tv ӨКҚ-не сілтеме жасап.

Мысалы, инвестициялар тарту көрсеткіштері 16 есеге (8-ден 127 млрд теңгеге дейін), салық түсімдері 45 есеге (400 млн теңгеден 18 млрд теңгеге дейін), өндіріс көлемі 2 есеге (3,8-ден 7,5 млрд теңгеге дейін), ШОБ субъектілерінің саны 9 есеге (1345 млрд теңгеден 11 808 дейін) өсті. 2022 жылдың І жартыжылдығында өнеркәсіп көлемі 4,6 млрд теңгені құрады.

Сонымен қатар, ауданда тұрғындарды ауыз сумен қамтамасыз ету мәселесі шешіліп жатыр. Санжар Тоғай бұл мәселенің басым екенін мойындады, оның міндеті - аудан тұрғындарын 100% таза ауыз сумен қамтамасыз ету. Қазір 30%-ы ғана қамтамасыз етілген. Қалған 70%-ы ашық су қоймалары мен жеке ұңғымалардан суды пайдаланады.

«Қазіргі уақытта Наурызбай ауданының 8 шағын ауданында 150 км су құбыры желілерінің құрылысы жүріп жатыр, 80% жұмыс аяқталды. Сонымен қатар, 75 км кәріз желілері тартылып жатыр, 95% аяқталды. Тастыбұлақ, Таужолы, Жайлау, Қарғалы, Құрамыс шағын аудандарында инженерлік желілердің құрылысы аяқталды. Ақжар, Шұғыла, Таусамалы шағын аудандарында инженерлік желілерді төсеу жұмыстары жалғасып жатыр, жұмыстарды жыл соңына дейін аяқтау жоспарда бар», - деп хабарлады аудан әкімі.

ӨКҚ брифингінде Ақжар, Шұғыла, Тастыбұлақ шағын аудандарында (48 бау-бақша серіктестіктерінде) жалпы ұзындығы 98 км су құбыры және кәріз желілерін жүргізу жобасы әзірленіп жатқаны белгілі болды.

Заманауи тазарту жүйесі бар «Қарғалы» су қоймасының құрылысы аяқталу сатысында (нысанның 92%-ы дайын). Сонымен қатар, Ақсай шатқалында 16 гектар аумақты алып жатқан Ақсай өзенінде су қойма құрылысын бастау жоспарланып отыр, жоба 2025 жылға дейін іске асуы керек.

Сондай-ақ, Алматының батыс бөлігін орталық кәріз жүйесімен қамтамасыз ету үшін ұзындығы 34 км кәріз коллекторын салу бойынша жоба әзірленіп жатыр.