Алматыда 2022 жылы 57 мыңнан астам жұмыс орны ашылды

Алматы экономикасы сенімді өсуде  деді экономика басқармасының басшысы Дастан Әмірбаев мәслихаттың 2022 жылғы бюджетті атқару мәселесі жөніндегі VI сессиясында, деп хабарлайды Almaty.tv.

Өткен кезеңнің нәтижелері оң динамика туралы айтуға мүмкіндік береді: 2022 жыл ковидтік кезең әлеуметтік-экономикалық оңалтудың маңызды кезеңіне айналды.

Алматыда іскерлік белсенділікті толық қалпына келтіруге,инвестициялық әлеуетті ұлғайтуға қолжеткізілді – шетел компанияларының қала экономикасына салымдарының ағыны 12%-ға өсті, 1,4 трлн теңге тартылды. Оң өзгерістерді еңбек нарығы көрсетуде: 2022 жылы 57,5 мың жұмыс орны құрылды. Мегаполис экономикасы 5,1%-ға өсті.

2025 жылға дейінгі даму бағдарламасына және 2030 жылға дейінгі орта мерзімді перспективаларға сәйкес Алматының даму жоспарының негізгі міндеттері кезең-кезеңімен іске асырылуда. 2022 жылы осы мақсатқа 460 млрд теңге бөлінді.