Алматыда Кіші Алматы мен Есентай жағалауы қалай өзгерді

Алматы қаласы Медеу ауданының әкімі Әсет Масабаев Өңірлік коммуникациялар қызметі алаңында Кіші Алматы өзені мен Тиксай өзені арнасының бойындағы жаяу жүргіншілер аймағын реконструкциялау, сондай-ақ Есентай өзені маңында Променад салу туралы айтып берді, деп хабарлайды Almaty.tv.

«Бұл аумақтарды абаттандырудың басты міндеті – Алматы жағалауларын жайлы және қауіпсіз жерге айналдыру. Ол үшін біз тротуарларды кеңейтіп, бұталардың жасыл қабырғаларын отырғыздық. Су маңындағы кеңістік жаяу жүргіншілерге берілді, балалар алаңдары пайда болды», – деді Ә. Масабаев.

Сондай-ақ Кіші Алматы өзенінің бойындағы жаяу жүргіншілер аймағын қайта жаңарту жүргізілді. Ұзындығы 9 км жаяу жүргінші жолы абаттандырылды, аумақта жасыл қор жақсартылды, 5 мыңға жуық бұта өсімдіктері отырғызылды, габион құрылымдары нығайтылды және қалпына келтірілді.

Сонымен қатар Мақатаев көшесіндегі көпір қайта жөнделді. Қалалықтарға ыңғайлы болу үшін жаңа орындықтар жаңартылып, қосылды, навигациялық стендтер мен ақпараттық стелалар орнатылды. Сондай-ақ, әл-Фараби даңғылының астындағы туннель абаттандырылды, ал оқушылар сарайы ғимаратының артында бақылау алаңы құрылды. Кеңістіктің үйлесімділігі мен тұтастығын сақтау үшін барлығы ағаштан жасалған, деді аудан әкімі. Қала тұрғындарының көптеген өтініштері бойынша санитарлық тораптар орнатылып, қосылған, сондай-ақ балалар алаңдары ұйымдастырылған.

Сонымен қатар Есентай өзенінде жаңа променадтық аймақтың құрылысы жалғастырылды. Су бөлгіштен Жамақаев көшесіне дейінгі жаяу жүргіншілер аймағының жалпы ұзындығы 4,2 шақырымды құрайды. Бүгінде 1,8 шақырым Бірінші учаскеде жаяу жүргіншілер жолын салу және жағалауды бекіту жұмыстары аяқталды. Жағалауда жарық шамдары, ойын және спорт алаңдары орнатылды. Көгалдандыру жұмыстары жүргізілді, 3000 шаршы метр аумаққа 3 мыңнан астам бұталар мен басқа да көп жылдық өсімдіктер отырғызылды. 800 метр ағаш жаяу жүргінші жолы және 1,6 шақырым асфальт жолы салынды. Мұнда сондай-ақ қарау алаңы мен өзенге ашық көрінетін экологиялық материалдардан жасалған орындықтар қарастырылған.

Әсет Масабаев Тіксай өзенінің арнасын реконструкциялау туралы да айтып берді. Оның айтуынша, жағалауды нығайту жүріп жатыр, ал жағалауда тазаланбаған учаскелердің орнына жаяу жүргіншілер жолы бар жаңа қоғамдық кеңістіктер құрылатын болады. Жағалау жарықтандырылады, жұмыстарды аяқтау 2022 жылға жоспарланған.

Сонымен қатар Медеу ауданындағы Достық гүлзарында Кіші Алматы өзені бойында Құрманғазы көшесінен Гоголь көшесіне дейін күрделі жөндеу жұмыстары жүргізілді. Жарықтандыру, орындықтар мен қоқыс жәшіктерін орнату жұмыстары жүргізілді, брусчатка мен жаңа асфальт төселді. Сондай-ақ, балалар мен спорт алаңдары пайда болды, ағаштар, гүлзарлар мен бұталар отырғызылды.

Осы жылы Жамал Омарова көшесіндегі Достық даңғылынан Луганский көшесіне дейінгі жалпы ұзындығы 500 метр жаяу жүргіншілер жолына ағымдағы жөндеу жұмыстары аяқталды. Қоғамдық кеңістік қалпына келтірілді, көгалдар, бұталар мен ағаштар отырғызылды, жарықтандыру бағаналары орнатылды, тротуар плиткалары төселді.