Меншікті өндіріс
Біз әлеуметтік желілердеміз
А. Ахмеджанов: Жаңа ережелер Алматының тарихи орталығын сақтауға бағытталған
Қорғалатын аймақтардағы тарихи және мәдени ескерткіштердің құрылымын және тарихи ғимараттардың стилі, пропорциясы мен биіктігін бұзуға тыйым салынады
Өңірлік коммуникациялар қызметінің брифингі барысында Алматының Жоспарлау және урбанистика басқармасының басшысы Алмасхан Ахмеджанов қала құрылысын ерекше реттеу аймақтары және оларға нелер жататыны туралы айтты, деп хабарлайды Almaty.tv
«Қаланың сәулеттік келбетін қалыптастыру және қала құрылысын жоспарлау ережелері» Алматы әкімі Бақытжан Сағынтаевтың тапсырмасы бойынша әзірленген. Бүгінде бұл құжат VII шақырылған қала мәслихатының кезектен тыс VІ сессиясында қабылданған болатын.
А. Ахмеджановтың айтуынша, қала құрылысының ерешке аймақтарына шекарасы қаланың Бас жоспарында бекітілген қала құрылысының ерекше бақылауындағы тарихи орталықтар, сондай-ақ тарихи және мәдени ескерткіштер қорғалатын аймақтар жатады.
«Тарихи орталық шекарасында реставрациялық әрі заңнамада көрсетілгендей, ескерткіштерді жаңғырту немесе қорғау бойынша жұмыстар жүргізуге, қасбеттік шешімдерді және абаттандыруды сақтай отырып, кәсіпкерлік қызметтер үшін тұрғын үйлерді немесе олардың бірінші қабаттарын қайта жабдықтауға рұқсат етіледі», – деді А. Ахмеджанов.
Сондықтан қорғалатын аймақтардағы тарихи және мәдени ескерткіштердің құрылымын және тарихи ғимараттардың стилі, пропорциясы мен биіктігін бұзуға тыйым салынады.
Сондай-ақ, рұқсат етілген биіктіктен, қоршаған аймақтағы құрылыстардың орташа биіктігінен асып кетуге, тарихи аймақтағы әрі 50 метрге дейінгі радиустағы тарихи-мәдени ескерткіштердің қорғалатын аймақтарындағы сәулеттік шешімінің бұзуылуына жол берілмейді.