Б. Сағынтаев Қоғамдық кеңеспен Алматының дамуының өзекті мәселелерін талқылады

Алматының Қоғамдық кеңесінің отырысында қаланың әлеуметтік-экономикалық дамуы мен қалалықтардың өмір сүру сапасын жақсартудың болашақтағы  міндеттері қаралды, деп хабарлайды Almaty.tv.

Б. Сағынтаев дамудың негізгі экономикалық көрсеткіштерін атап өтті. Жеті айдың қорытындысы бойынша қала экономикасын қалпына келтірудің жоғары қарқыны қамтамасыз етілді. Қысқа мерзімді экономикалық көрсеткіш ағымдағы жылдың қаңтар-шілде айларында 109,1%-ды құрады. Өнеркәсіп өндірісінің көлемі 782,9 млрд теңгені құрап, 22%-ға өсті.

Негізгі капиталға салынған инвестициялар көлемі 538,6 млрд теңгені, ХҚҰ - 119,7%-ды құрады. Жыл басынан бері 1 189,7 мың шаршы метр тұрғын үй пайдалануға берілді, 2 млн 604 мың шаршы метр баспана салу жоспарлануда. Жыл басынан бері тұтыну бағасының индексі тамызда 105,6%-ды құрады.

Қала әкімінің орынбасарлары өздері басқаратын салалардың  дамуы туралы баяндады. Е. Бабақұмаров COVID-19 пандемиясымен күресу шаралары туралы баяндады, соның арқасында қала КВИ таралуының төрт толқынына да төтеп берді. Сонымен қатар қаланың денсаулық сақтау, білім беру, мәдениет және спорт салаларының дамуы туралы айтылды.

С. Құсайынов автокөлік инфрақұрылымының дамуы, жолаушыларды тасымалдау, көгалдандыру және экологияны жақсарту мәселелерін шешу туралы баяндады. М. Әзірбаев тұрғын үй құрылысының қарқыны, әлеуметтік нысандар, сондай -ақ инженерлік инфрақұрылым мен қала құрылысы қызметінің дамуы, жерді тиімді пайдалану туралы  айтты.

М. Қиқымов шағын және орта бизнесті қолдау мен халықты әлеуметтік қорғау, жұмыспен қамтуға ықпал ету шаралары мен жұмыс орындарын құру, сондай -ақ инвестициялық тартымдылықты арттыру, туризмді дамыту, оның ішінде Алматы тау кластері туралы айтты. И. Өсеров әлеуметтік-экономикалық дамудың негізгі көрсеткіштеріне қолжеткізу, экономиканы тұрақтандыру шаралары туралы баяндады.

Қоғамдық кеңес мүшелері өзекті мәселелерді көтерді және мегаполисті дамытудың түрлі бағыттары бойынша ұсыныстар енгізді. Сонымен, заңдылық пен құқық тәртібі жөніндегі комиссияның төрағасы Н. Жазылбековтың мәселесі бойынша қызметтік полицияның пилоттық жобасын іске асыру қаланың азаматтық қоғамымен тығыз ынтымақтастықта жүзеге асатыны айтылды.

Қаланың жайлы ортасы жөніндегі комиссияның төрағасы М. Шибұтов тарихи орталықта құрылысы шектеулі жаңа құрылыс ережелерінің өзектілігі мен маңыздылығына тоқталды. Қоғамдық кеңестің мүшесі Б. Қисықовтың сұрағына қатысты қалада 667 қызметкер, оның ішінде мұражай, театр мен кітапхана қызметкерлері үшін ағылшын тілінің онлайн курстары басталғаны хабарланды. Сонымен қатар, туризм индустриясы дамуда, тау туризмі үшін қолайлы және қауіпсіз жағдай жасау бойынша шаралар қабылданды.

С. Пономарев экологиялық мәселелерге, атмосферадағы зиянды қалдықтарды төмендетуге және электротакси қызметін дамытуға тоқталды. Т. Елеусізов қала тұрғындарын ағаш отырғызуға белсенді түрде тарту мақсатында қабырғаға мурал салуды ұсынды. Қ. Шайх азық-түлік бағасын төмендету тетіктері, қоғамдық қауіпсіздікті қамтамасыз ету бойынша бірқатар ұсыныстар енгізді.

У. Іңкәрбеков мүмкіндігі шектеулі жандар үшін қолжетімді қалалық ортаны құру қажеттілігіне тоқталды. Өз кезегінде М. Абдушукуров жастарға патриоттық тәрбие беру, ауған ардагерлерін қолдау мен оңалту туралы өз пікірін білдірді.

Қалалық Қоғамдық кеңестің төрағасы Р. Алшанов кеңес мүшелері алдағы уақытта да билік пен қоғам арасындағы сындарлы диалогқа өз үлестерін қосатынын атап өтті.

Кездесуді қорытындылаған Алматы әкімі Б. Сағынтаев мұндай кездесулердің басты мақсаты – қала тұрғындарының  өмір сүру сапасы мен деңгейін арттыру, жайлы өмір сүру үшін инфрақұрылымды жақсарту бойынша бірлескен шешімдерді әзірлеу және қабылдау екенін атап өтті. Мегаполис әкімі барлық ұсыныстардың қаралатынын, ал қойылған сұрақтарға толық түсініктеме берілетінін айтты.