Бекшин алматылықтарды жаңа «Дельта» штаммын жұқтырып алмау үшін екпе алуға шақырды

Өңірлік коммуникациялар қызметі алаңында Алматының Бас санитарлық дәрігері Жандарбек Бекшин қалада коронавирустың жаңа «үнді» штаммы туралы хабарлады. Оның айтуынша, ресейлік пен қазақстандық вакциналар атауы белгілі мутацияланған алты штаммнан қорғайды, деп хабарлайды Almaty.tv.

Ж. Бекшин Алматыда коронавирусты қайта жұқтырған 32 жағдайдың тіркелгенін айтты. Сондықтан қауіпті инфекцияны, әсіресе оның штамдарын жұқтырмас үшін коронавирусқа қарсы вакцина қажет.

Жаңа штамдар туралы айта отырып, Ж. Бекшин «Дельтаның» белгісі суық тиюге ұқсас.

«Бұл штамды көбінесе жастар жұқтырады. Басты симптомы – бас ауруы, тұмау, ангина, жоғары температура. Әдетте иіс сезу жоғалмайды және жөтел болмайды», – деді Ж. Бекшин.

Сондай-ақ, «Дельта» іштің ауыруымен, құсумен, тыныс жолының тарылуымен байланысты.

Жандарбек Бекшин тек вакцина ғана ауруды болдырмауға әрі өлімді азайтуға септігін тигізеді. Бүгінде Алматыда 386 222 адам вакциналанды. Өткен тәулікте КВИ-дан 5 840 адам екпе алды.  60 жастан жоғары екпе алған адам саны 49 314 адамды құрайды.

Бас санитарлық дәрігер жастар қорғаныс шараларына жауапкершілікпен қарап, вакцина алуға барулары керек деді.